November 22, 2017

නිසි කලට වැසි පතා ජය ශ්‍රී මහා බෝ සමිඳුන්ට පැන් පූජා කෙරේ

By admin - Tue Apr 01, 8:14 am

c1a11e28afb03c9d81c096faa0a5ce8e_XL
රටේ පවතින වියළි කාලගුණය පහව ගොස් නිසි කලට වර්ෂාව අපේක්ෂාවෙන් ලංකා විදුලිබල මණ්ඩලය වාර්ෂිකව සිදුකරන පැන් පූජා මහෝත්සවය පසුගියදා විදුලිබල හා බලශක්ති අමාත්‍ය පවිත්‍රා වන්නිආරච්චි මහත්මියගේ ප්‍රධානත්වයෙන් ජය ශ්‍රී මහා බෝ සමිඳුන් අභියස දී පැවැත්විණි.

ජලවිදුලි බලාගාර ආශ්‍රිත ජලාශයන්ගෙන් රැගෙන ආ පැන් කළ 12ක් රුවන්වැලි සෑ රඳුන් වටා පැදකුණු කිරීමෙන් පසු අමාත්‍යතුමිය විසින් ජය ශ්‍රී මහා බෝ සමිඳුන් වෙත පිළිගන්වන ලදී.

මේ අවස්ථාවේදී ජය ශ්‍රී මහා බෝ මළුවේ නෙළුම් මල් අතුරා, එම පරිශ්‍රයේ සිට රුවන්වැලි සෑය දක්වා මඟ දෙපස පහන් 4000ක් දල්වනු ලැබීය. මීට සමගාමීව ඊයේ (31) අලුයම ජය ශ්‍රී මහා බෝධීන් වහන්සේ අභියස, සතර වාහල්කඩ කිරි ඉතිරවීම සිදුකළ අතර දහවල් මහා සංඝරත්නය විෂයෙහි දානමය පිංකමක්ද පැවැත්විණි.

අටමස්ථානාධිපති පල්ලේගම සිරිනිවාස නායක ස්වාමීන් වහන්සේ සහ රුවන්වැලි සෑ අධිපති පල්ලේගම හේමරතන නායක හිමිපාණන් වහන්සේ ඇතුළු මහා සංඝරත්නයේ සහභාගිත්වයෙන් මේ පූජා උත්සවය පැවැත්විණි.

Leave a Reply