November 17, 2017

සංඝරාජ මහ පෙරහර ජුලි 01දා

By admin - Mon Jun 29, 9:37 am

d01e9dae46685aaf24f26e9548d99148_XL
වැලිවිට අසරණසරණ සරණංකර සංඝරාජ මාහිමාපාණන් වහන්සේගේ ශාසනික, අධ්‍යාපන හා සංස්කෘතික මෙහෙවර අගයා වාර්ෂිකව සංවිධානය කරනු ලබන ශ්‍රී සංඝරාජ මහා පෙරහර මෙවර ද 69වැනි වරටත් ජුලි 01දාට යෙදෙන අධි ඇසල පොහෝ දිනයේ දී විථී සංචාරය කිරීමට නියමිතය.

ඒ අනුව 01දා පස්වරු 2.00ට මල්වතු විහාරයෙන් පිටත්වන සංඝරාජ පෙරහර සංඝරාජ මාවත, දළඳා වීථිය, යටිනුවර වීථිය, හරස් වීථිය, ඩී.එස්. සේනානායක වීථිය ඔස්සේ දළඳා වීථිය, සංඝරාජ මාවත, ශ්‍රී සරණංකර පාර, වැලිවිට පටුමග ඔස්සේ තුම්පනේ විහාරස්ථානයට ගෙවදීමට නියමිතය.

ජුලි 02දා තුම්පනේ විහාරස්ථානයේ ශ්‍රී සංඝරාජ ශාලාවේ දී සංඝගත දක්ෂිණාවක් ද පැවැත්වේ.

මල්වතු මහා විහාරාධිවාසී ජ්‍යේෂ්ඨ කාරක සංඝ සභික මහෝපාධ්‍යාය අග්ගමහා පණ්ඩිත අලුත්ගම ධම්මානන්ද නාහිමියන්ගේ අනුශසනා පරිදි මෙම පෙරහර පැවැත්වේ.

Leave a Reply