December 17, 2017

නාඋයනේ අරියධම්ම හිමිගේ ආදාහන පූජෝත්සවයට රාජ්‍ය අනුග්‍රහය

By admin - Fri Sep 09, 3:50 am

Na_Uyane_Thero
අපවත්වී වදාළ රාමඤ්ඤ මහ නිකායේ අනුනායක අතිපූජ්‍ය නාඋයනේ අරියධම්ම හිමියන්ගේ ආදාහන පූජෝත්සවය රාජ්‍ය අනුග්‍රහය ඇතිව සිදුකිරීමට රජය තීරණය කර ඇතැයි ස්වදේශ කටයුතු අමාත්‍යාංශය නිවේදනය කළේය.

ජනාධිපති මෛත්‍රීපාල සිරිසේන මහතාගේ උපදෙස් මත එළඹෙන 12 වැනිදා පස්වරුවේ පාර්ලිමේන්තු ක්‍රීඩාංගණයේදී එම ආදාහන පූජෝත්සවය සිදුකිරීමට නියමිත බව එම අමාත්‍යාංශය නිකුත් කළ නිවේදනයේ වැඩිදුරටත් සඳහන් වේ.

අපවත්වී වදාළ නාඋයනේ අරියධම්ම හිමිපාණන්ගේ දේහය මැල්සිරිපුර – නාඋයන ආරණ්‍ය සේනාසනයේ තැන්පත් කර ඇති අතර, ලබන 12 වැනිදා දහවල් උන්වහන්සේගේ දේහය කොළඹ නිදහස් චතුරශ්‍ර භූමියට වැඩම කරවීමට නියමිතය.ආදාහන පූජෝත්සවය සඳහා දේහය එදින පස්වරුවේ පාර්ලිමේන්තු ක්‍රීඩාංගණය වෙත වැඩම කරවීමට නියමිතය.

Leave a Reply